瀧野川日本料理 (已結業)

元朗一直有很多的日本鋪，某天路經發現呢間店裝潢高檔，感覺相當不錯。
結果到今天終於有機會與朋友一試了。

一打開餐牌，發現點解同樣的料理但學生叫可以便宜$10+免加一？
下，咁都得唔係應該整個學生餐架咩？
但呢個算小事。

我地點左個豬軟骨烏冬及牛肉火鍋定食。
一上菜我就俾個前菜嚇到嘩左聲，
根本係淹制既肥豬肉，但係凍到有瓊晒白色肥油係面個種既，
點食得落？要求侍應更換卻被敷衍了事，
心有不甘再另叫人換，
結果換來酸到不行的漬物，唉。

那個烏冬則食落感覺似係噹噹烏冬既朋友，
火鍋既醬油湯底則甜得不像樣，事後需大口灌水的，
牛肉也只是得四塊肥牛，配上一個沉歸底既熟蛋。
(一般都係有隻生蛋係面俾人打散食架嘛)

為此係埋單時朋友忍不住上前投訴，
結果對方答話由於呢間鋪頭的高檔裝修令客人卻步，
只好設計價格較平的定食套餐吸引客人，
卻礙於成本問題只能入貨不能手打自製例如烏冬。

但我就唔明白啦，
咁高檔既裝潢配上咁不相符既低檔食品，
唔係本末倒置左咩？
基於呢個原因，
短期內唔會再去上址了。