翠玉軒

营业中

休息中

翠玉軒係美心集團旗下咁岩我有信用卡優惠，我同老婆來試下丫，因為係我同老婆結婚周年紀念日，所以我搵左間有名廚曾獲過獎又是米芝蓮一星嘅中菜廳，但其實翠玉軒又唔算我想像中咁貴者，晚市來講。【鳳膽花雕蒸虎蝦(配灼河粉)】上枱先即場撈河粉，未食已經聞到陣陣酒香，而且大蝦鮮甜彈牙。【咖喱牛臉肉】難得係牛臉肉，甚少食到，叫左黎試下，少少辣好惹味,加上脆口鍋巴，簡直絕配。【滋味炆牛尾】必點！送飯一流！牛尾肉非常嫩，又'林'，吸收哂醬汁好野味！建議兩個人共享一份，因為份量頗大，一個人食再送飯會好易飽。【椒鹽九肚魚】 外脆內嫩，內裡又多肉又多水份,炸得岩岩好。下次一定會再來試下，服務又幾好，值得一讚