神經餵飼 (已結業)

之前曾經想黎食呢間但唔小心遇上例休的日子摸門釘，今次反而係唔小心經過又見唔多人就入左去食。餐廳的裝潢實在令人看得賞心悅目，連洗手間都靚過人（唔去都值得參觀下）。至於食物，友人食明太子拌雞肉親子丼，試左幾啖，味道正常。而我就叫左貓毛定食同一杯熱朱古力。定食可選鯖魚或豚肉，我選了前者。貌相非常之靚，前菜（秋葵豆腐沙律同大根煮）好特別，岩我口味，而主菜就正正常常咁啦。不過以$140黎講就真係貴左一點。朱古力好濃，讚！最後結論係如果只係想食野，就唔需要黎呢間啦。但如果想同朋友舒舒服服傾計傾成晚，呢間餐廳就係好選擇啦！