大壹冰室 (已結業)

因為平時間中都會響荃灣廣場睇戲，自然就會試左唔少位處周邊既美食。大壹冰室正正位於荃廣對面，其實都想試好耐，一來見雜誌又推介過，二來經過望見個格局同門口既menu 都好吸引，但總係未有機會試過，有時又有小人龍，就會轉軚食第二間。今日早左少少到，大概七點左右，門口無人排喎，即沖入去。因為都小小趕時間睇戲，叫餐果陣多口問侍應姐姐，嗌牛排會唔會等好耐，佢就回應話如果我趕時間可以叫廚房整左先，哈哈，咁就照嗌牛排了。威靈頓牛扒薯角，第一次食酥皮包住牛扒，感覺幾得意幾新穎，而且有黑松露醬夾響中間，所以好香。牛扒食落好淋，岩岩好，但又唔會有血水。餐枱個面係好靚既馬賽克拼圖。三文魚墨魚麵95蚊，略嫌個汁同個麵有啲唔夾咁。下次都會再黎食，都唔錯。