影片
更多
2019-09-10
96 浏览
幾年前同兩個好姊妹遊台北，佢地帶我去原祖Dazzling Cafe，食嘢其次，影相打卡先係重點。因為裝修真係好少女風，好多位置影相都好靚。今次嚟到The One嘅Dazzling香港分店，一樣無令我失望！花花牆、心型座椅、獨角獸擺設、粉紅配玫瑰金，少女控最愛嘅元素佢都有！我同朋友淨係影相都玩咗好耐。全自動化落單，只需要scan QR code就可以睇到餐牌，非常方便！主菜我地點左墨西哥起司薄餅同埋Dazzling和牛漢堡。甜品就點左經典朱古力鬆餅，加$15陪QQ麻薯，仲有兩杯冰茶。可能有台灣元祖作比較，我覺得三款食物賣相及擺位都無台灣店咁吸引，但味道都不錯。墨西哥起司薄餅裏面有一層車打芝士，唔算好厚不過芝士味非常濃！附上兩個醬汁，一個係吞拿魚另外一個係蕃茄配醋(唔知叫咩名😅）。吞拿魚有啲似罐頭開出嚟嗰種，不過不失。蕃茄嗰個醬汁酸酸地幾惹味。和牛漢堡就麻麻地，賣相都幾唔靚，麵包好乾身有點硬，但隻蛋就煎得幾靚，和牛都有牛味。朱古力鬆餅不過不失，鬆餅底鬆化似雞蛋仔，但鬆餅配料不多，只有wipe cram+藍梅+朱古力碎，有點單調。整體嚟講，環境真係滿分但食物質素就普通，價錢就偏貴。一眾女孩如
幾年前同兩個好姊妹遊台北，佢地帶我去原祖Dazzling Cafe，食嘢其次，影相打卡先係重點。因為裝修真係好少女風，好多位置影相都好靚。
今次嚟到The One嘅Dazzling香港分店，一樣無令我失望！花花牆、心型座椅、獨角獸擺設、粉紅配玫瑰金，少女控最愛嘅元素佢都有！我同朋友淨係影相都玩咗好耐。
全自動化落單，只需要scan QR code就可以睇到餐牌，非常方便！
主菜我地點左墨西哥起司薄餅同埋Dazzling和牛漢堡。甜品就點左經典朱古力鬆餅，加$15陪QQ麻薯，仲有兩杯冰茶。可能有台灣元祖作比較，我覺得三款食物賣相及擺位都無台灣店咁吸引，但味道都不錯。
墨西哥起司薄餅
5 浏览
0 赞好
0 留言
墨西哥起司薄餅裏面有一層車打芝士，唔算好厚不過芝士味非常濃！附上兩個醬汁，一個係吞拿魚另外一個係蕃茄配醋(唔知叫咩名😅）。吞拿魚有啲似罐頭開出嚟嗰種，不過不失。蕃茄嗰個醬汁酸酸地幾惹味。
和牛漢堡就麻麻地，賣相都幾唔靚，麵包好乾身有點硬，但隻蛋就煎得幾靚，和牛都有牛味。
朱古力鬆餅不過不失，鬆餅底鬆化似雞蛋仔，但鬆餅配料不多，只有wipe cram+藍梅+朱古力碎，有點單調。
整體嚟講，環境真係滿分但食物質素就普通，價錢就偏貴。一眾女孩如果為咗影靚相，呢到可以滿足你！
张贴
