Infinity Workshop Cafe (已結業)

星期六下午同朋友去旺角波鞋街睇新波鞋，行左好耐都未搵到佢要嘅心水產品，坐低食少少野先再繼續行，女人街尾見到有一座大廈全部都係食肆，5樓係飲咖啡既餐廳正合我心意，一出𨋢環境好舒服同樓下簡直兩回事，全店長長嘅梳化完全冇土地問題，座位之間有非常充足嘅空間，環境非常之清幽，電視上播放着教人調酒嘅片段，應該可以舒服到坐一個下午都唔願走，我完全唔覺得自己置身喺旺角食物及飲品：水果冰茶：紅茶底，新鮮奇異果/士多啤梨/橙，酸酸甜甜好啱夏天飲招牌三眼仔latte: 口感軟滑，超吸精Tea set: 雙層上層係甜點下層係鹹點有新鮮士多啤梨同埋藍莓，雞翼香脆唔油，全部細細件好啱兩個女仔share食推介大家以後去旺角嚟試試，你會對旺角改觀。