合十 (已結業)

同閨蜜擇日飯聚 咁啱揀中寒風凜冽嘅一日 得7度😂橫風橫雨都無礙我哋去食好嘢☺️餐廳意外地好多打卡位 可惜嗰日天氣欠佳餐廳啲吊燈好靚 好精細 氣氛幾好點菜方面 我哋徵詢咗店員嘅意見 好有耐性咁幫有選擇困難症嘅我哋🤦🏻‍♂️飲品方面 我都係揀咗賣相超靚嘅藍藍天空高掛我的夢 隻天藍色打卡一流 夠掛喺杯邊嘅菠蘿都非常之甜 好難得地椰汁味香濃而唔會太多冰 畢竟好少凍飲可以飲到見杯底小食方面 叫咗個香葉煙肉黃金蠔 最滿意最鍾意同埋覺得有啲食唔夠喉 佢嘅蠔炸皮鬆脆 粉唔會太多 入面滿滿各種材料～鹹鹹香香 主菜方面 叫咗個平時外面好少見嘅大阪燒pizza Pizza皮好似薯片嘅質感 燶燶地幾香 配搭木魚帶子雞肉燒汁令人胃口更好另外仲有個巨型豬扒配薯菜 平視我好驚食豬扒因為覺得好靭又冇乜肉汁 另外仲好擔心叫嘅份量唔夠食 點知個豬扒真係好大塊 而意外驚喜地好鬆軟 肉質嫩口彈牙 外皮香脆 仲好惹味添可惜嗰日太大風大雨 地下太濕 啲水喺正中間會論盡少少🤕如果有辦法改善就更好喇