Ember (已結業)

今日約左個女仔朋友食晚飯，兩個女仔好耐無見，預左好多野傾，要搵間環境舒適又靚嘅餐廳😊餐廳燈光昏暗有氣氛，好適合情侶或幾個朋友傾計食飯。服務非常殷勤，我同朋友都有選擇困難，經理沒有不耐煩，好熱情介紹食物。餐廳有晚餐，包湯，前菜，主菜，另加錢可加甜品，幾抵食。我地食唔多，所以就叫了兩個主餐牌的前菜，加一個餐share 食。散叫的凱撒沙拉，沙律新鮮，芝士同菜的份量不少。食完非常開胃。晩餐包的前菜：香煎蟹餅🙂因為跟餐，份量係一人份。蟹餅煎得香脆，入面蟹肉好足料，加埋底下的芒果莎莎，減少油膩感晩餐包的Daily Soup, 今日係南瓜湯。反而餐包有驚喜，微暖又焗得脆😉散叫的牙買加烤雞腿配葡萄沙律。雞腿好大隻，可以當主菜，牙買加醃料好好味，雞腿入味，烤得juicy 肉質仲係好滑。晚餐的主菜，北海道帶子.帕馬火腿.手造墨汁幼蛋麵😋帶子大粒又彈牙,火腿粒增加鹹香味,少少可惜麵的墨汁味不夠。食完已經好飽，所以就無加到精選甜品😌我去果日係朱古力蛋糕。下次有機會再試。