FRITES Belgium on Tap (曦巒) (已搬遷) 新店位置

星期五晚搵野食，經過門口比佢吸引住，門口望唔到餐廳入邊嘅環境，但睇落有種高級，神秘嘅氣息。一入到去果然冇令我失望，餐廳嘅環境好靚，樓底好高。餐廳好full，咁啱有人埋單，我哋等左一陣就入得，如果人多建議要先book。首先黎既係洋蔥湯，入面有塊鋪滿芝士嘅蒜蓉包，聞落去好香。但個人覺得洋蔥湯偏鹹，唔係幾啱我，但個蒜蓉包絕對有加分。之後叫咗個炸芝士配薯仔沙律，叫之前以為芝士係好熱嗰種，點知原來係唔熱嘅，唔使擔心太熱要慢慢食。炸芝士好好味，好滑唔膩。薯仔沙律都好味嘅，不過唔算好突出。最後叫咗個啤酒慢煮牛肉配薯蓉，份量都幾多下。牛肉好嫩，煮得好林，個汁都唔錯，但覺得個價錢偏高，性價比麻麻。而個薯蓉我就幾鍾意啦，有Wasabi味，幾特別。總括來講，食物方面冇太大驚喜，但係個環境氣氛好舒服。