龍庭華宴

呢度2點開始有下午茶，下午茶時間嚟飲茶都幾多人，門口排哂隊。

叫左好多點心，其中珍寶鳳爪排骨飯好大盅，係好大盅飯，鳳爪得1隻，排骨有1件大2件小嘅，唔叫其他點心真係唔會食得哂全部白飯，而且飯好似未熟得透，好硬。
其他點心都係一般貨仔，又唔可以話難食嘅，但整體都唔係幾得咁囉。

除此之外，大部分點心等左起碼45分鐘先到，佢張點心紙話超過30分鐘向職員查詢，但向職員查詢時，個個都顯得唔願意幫你跟。

星期六日下午茶點心每款要加$3，唔太抵食。仲有，食到最尾係咁聞到好大陣煙味，好唔掂！