The Chinese Library

餐廳位於大館入面，裝修典雅得來又好有格調。本來都擔心呢啲打卡餐廳會唔會得個靚字，但係食落味道都滿意，又有唔少創意嘅點心，鍾意有新鮮感嘅朋友都會滿意。

黑蒜燒賣
原本唔抱任何期待，但係佢係比平時嘅味道增添左一種發酵嘅微微酸，估唔到又幾match，有新意得來又好味。

黑蒜燒賣

👌🏼口水石斑腸粉

只係非常輕微嘅BB辣，腸粉皮整得煙靭有彈性。不過因為石斑魚味道有啲淡，軟腍腍，同腸粉嘅反差口感唔係太大。有新意味道可以，但又未至於好驚喜。

口水石斑腸粉

喇沙小籠包
小籠包裡面有啲喇沙味道，帶d 酸酸辣啦但又唔會太霸道，有陣淡淡嘅東南亞嘅口味。味道OK，有新意得嚟又唔會太怪。

喇沙小籠包

👌🏼蟹肉海膽春卷
海膽味道OK，唔會有浸up味。春卷都外脆內軟，味道唔錯。但係兩件事夾埋，又唔係話好有火花。

蟹肉海膽春卷

黑松露蝦餃
有黑松露嘅味道，味道唔錯。

黑松露蝦餃

和牛酥皮卷
好似蘿蔔絲酥卷，但入邊冇和牛嘅感覺。就係一啲醬汁嘅味道再有d 肉粒。普通。

和牛酥皮卷

美祿糯米糍
糯米糍外層煙靭，有啲厚度。入邊一啲流心嘅美祿朱古力汁。味道唔錯，頗甜。

美祿糯米糍

總結係無論想招呼朋友家人或者商務晏客，既要環境靚又要食物唔錯，呢到都係好選擇。但係如果好執着要傳統酒樓口味就要考慮。