46
14
18
等级1
3
0
2008-03-01 17 浏览
上星期五晚因家姐生日,於早四日前已經打去訂位,一行8人7:30pm,見咁多食評下都有讚無彈,應該會食得滿意啩~食飯當日有位小姐call我,要求更改至7點到,好可惜...主角都未收工,真係無能為力喇!之後果位小姐又再改要求更改至8:30pm! 嘩! 更加唔得啦,明明book 7:30pm,唔係要我改遲一個鐘呀就你人多啩?!好老實講,如果做唔到booking,我真係唔介意,一開始就要講清楚! 但係佢地又係咁接booking, 又要客人就佢,咁做法只會得不償失,做唔到生意之餘,仲令到大家留下壞印象!當我地3個人準時7:28去到樓下正想搭lift之際,果位小姐已經再一次打比我,催促我準時到,又話好多人之類! 唉......點解食晚餐好似食lunch咁趕??? 我真係分唔出邊個係主,邊個係客嘞!佢地環境真係太迫,地方只得千呎左右,但係枱已經有成拾幾二拾張,D凳又大又阻地方,好多枱客D凳都疊住附近枱坐,根本上面就容納唔到咁多枱同凳!非常幸運地只係得一張枱留到比我,但係佢地只係放到5張凳!當時起碼有2-3批客都book 7:30pm,但佢地就要企係好狹窄嘅走廊等枱,眼見得一批等多15分鐘先有枱坐,有
更多
上星期五晚因家姐生日,於早四日前已經打去訂位,一行8人7:30pm,見咁多食評下都有讚無彈,應該會食得滿意啩~

食飯當日有位小姐call我,要求更改至7點到,好可惜...主角都未收工,真係無能為力喇!之後果位小姐又再改要求更改至8:30pm! 嘩! 更加唔得啦,明明book 7:30pm,唔係要我改遲一個鐘呀就你人多啩?!

好老實講,如果做唔到booking,我真係唔介意,一開始就要講清楚! 但係佢地又係咁接booking, 又要客人就佢,咁做法只會得不償失,做唔到生意之餘,仲令到大家留下壞印象!

當我地3個人準時7:28去到樓下正想搭lift之際,果位小姐已經再一次打比我,催促我準時到,又話好多人之類! 唉......點解食晚餐好似食lunch咁趕??? 我真係分唔出邊個係主,邊個係客嘞!

佢地環境真係太迫,地方只得千呎左右,但係枱已經有成拾幾二拾張,D凳又大又阻地方,好多枱客D凳都疊住附近枱坐,根本上面就容納唔到咁多枱同凳!

非常幸運地只係得一張枱留到比我,但係佢地只係放到5張凳!當時起碼有2-3批客都book 7:30pm,但佢地就要企係好狹窄嘅走廊等枱,眼見得一批等多15分鐘先有枱坐,有D仲要等到8:10pm先有枱! 真係好想知道佢地究竟點接受預定呢?! 

當我地已經點咗幾味頭盤諗住等埋泊緊車嘅其他人時,老闆娘多次比面色咁問:你地D人仲未到呀?! 知唔知好多人眼紅你張枱ga? 咦? 我地唔係比錢食飯咩? 限時限刻? 化緣都唔使睇面色啦! 仲話<皈依我佛>!!!

至於食物方面:味好濃,可能想配合平時食開肉D人啩...(但係佢地係素者,唔係應該清D咩?)
環境:真係麻麻!好迫,好嘈雜,太多人!(係咁嘅環境下食素,心情好不安!)
服務:D侍應可能太多嘢做,大陪份都無笑容,真係辛苦!
價錢:一般!都唔知點解食3佰幾蚊套餐加多兩道菜,埋單變成6佰幾!

食肄出名一定多人,尤其有璇姐係度,但係唔能夠妥善安排人客入坐同環境質素,又怎能夠叫人食得舒服,食得開心呢? 



(以上食记乃用户个人意见 , 并不代表OpenRice之观点。)
张贴
评分
人均消费
$100