8090 好時光 (已結業)

今日入天水圍搵朋友食飯，聽講T Town呢個商場岩岩裝修完所以就黎睇下有咩好食😋一入商場門口見到80·90好時光，就俾佢吸引住啦。間鋪好闊落，環境好好都好舒服食台灣野當然要叫個牛肉麵食下，牛肉肉質好鮮甜，煮得好淋，湯底夠濃味而且帶淡淡既牛肉味。值得一試😋冰花餃子，煎得好香脆但又不失餃子內既肉汁，好味😋紫薯餅，外脆內軟，一口咬落去成口都係紫薯，甜而不膩仲叫左兩杯飲品，朱古力豆漿（凍）原來有曲奇係入面，唔錯👍🏻另一杯棉棉朱古力（熱），加有棉花糖，本身朱古力已經甜，由於係熱飲加埋棉花糖好快溶左，就令到杯朱古力太甜了