凡高廚房

营业中

休息中

見到餐廳名有梵高兩個字即刻覺得好得意，所以七月同朋友monthly meet-up選址呢度，希望食得盡興，環境都舒適，方便傾計。結果都冇令人失望，去到餐廳時得一檯客，好靜，周圍掛住梵高作品，點埋蠟燭都幾有情調。睇佐menu之後決定食set dinner ，F餐：地中海火焰牛柳。重頭戲當然係牛柳。佢哋會係你張檯度即場燒一燒串牛柳，認真貼題“火焰”。肉質都唔會糙，好難咬開，切開仲見到肉質得粉紅色。燒完之後就會放落呢個碟到，已經有香草薯角。但我食完麻麻地個汁，亦食唔到薯角既脆口感覺，只可以叫薯仔。跟餐加28蚊叫杯西柚雪糕梳打，以為好好飲，結果伏味甚濃，好失望。甜品窩夫都幾好食，不過份量好細，三兩啖食完。講完食物。。要講店員。。。隔離檯食完有個侍應過去抹檯。結果佢塊布完全無擰乾，又隨便擺落檯，結果啲水全部飛曬落我塊面。。。希望店員注意一下。