✨燒鳥
餐廳用靚雞肉，所以我都分別叫咗幾款:三黃雞腿肉、雞軟骨以及蜜糖雞全翼。雞肉燒得滑嫩，調味唔會過甚！！
✨牛、豚
今次揀咗宮崎和牛，入口夠淋，牛脂分布平均，仲夾雜着洋蔥嘅清新；另外亦都揀咗韓式牛肋肉，帶點微微辛口好惹味；牛舌爽彈；和牛棒牛味香濃，仲跟配咗從來米飯同生蛋添～亦揀左豚肉蘋果卷，清爽中帶油脂香；孜然粉燒黑毛豬同樣出色；
✨心機卷物·小食
雞皮墨魚滑絕對係特色之作，墨魚滑口爽口，加上雞皮嘅邪惡真心正正的。另外亦都嗌咗一份蒜蓉牛油酒煮蜆，肥美嘅蜆肉仲有兩片香脆嘅蒜蓉包，份量而言算好多；汁燒年糕串亦都係煙靭控之選；味淋魚干極為香口
✨蔬菜類
分別揀咗金菇、萵筍呢一類串燒必點嘅神物！蒜蓉滿滿，金茹好入味～
✨甜品
食得串燒當然唔少得要有燒菠蘿以及糖不甩燒芝麻湯圓，份量唔多，但係作為一個飯後甜品就剛剛好啦。
✨穀物
叫咗一份鰻魚炒飯，減輕一下串燒帶嚟嘅油膩感，米飯炒得香甜帶點鑊氣。
1
1
