新齋橋 (已結業)

公司附近開咗新餐廳，做緊折扣優惠！除咗日本料理，仲有燒肉食。新張期間仲會送日式海鮮蒸蛋，價值$38。午餐叫咗上壽司10貫定食，係最多人叫嘅set~10款壽司，包括牡丹蝦、三文魚、油甘魚、鰻魚、蟹柳、北寄貝、魷魚、三文魚籽等，新鮮又肥美！而且鐘意佢件刺身大過嚿飯，咁先夠正！朋友叫咗角切雜錦魚生丼。每粒角切魚生都幾大粒，而且份量多，多到可以疊到一座小山丘，加上每啖都有啲爆汁三文魚籽，口感幾得意。以上定食套餐包括：味噌湯、沙律、熱茶。餐廳view 見到公園、綠色植物，可以比隻眼休息下。仲有卡位，地方又夠大，仲有私人vip房，下次搞welcome lunch 可以約埋一班同事嚟呢到食👍🏻