影片
更多
2017-07-20
243 浏览
成個星期落雨，就算拍拖都係求求其其搵地方去。今日去銅鑼灣行街，撞正落大雨，拿拿淋搵地方避雨之餘兼解決我的肚餓今次試下呢間非一般韓食店-The hwaduk。所謂非一般韓食，係因為佢類似fushion菜，唔係傳統勁多碟個種韓食，亦唔係單單食炸雞、年榚、部隊鍋個種。而係有意粉，有供素食者的pizza甚至菜式。地理位置唔係佢優勢，係裕景商業中心後面，開平道個條街。地鐵抑或巴士都要行一陣先到。我都係咁啱見到呢座大廈好多野食，所以撞左入黎😂今日食佢嘅Lunch set首先係Appetizers,叫左Insalata。Insalata係用蕃茄仔，Mozzarella cheese，黑醋粒，橄欖油同🙊我都唔知咩葉組成。以頭盤講，份量剛好，蕃茄仔好新鮮，香醋加上芝士，味覺上帶層次感。單吃芝士都有淡淡芝士香，質地似硬豆腐（未煮個種），唔會散開。而塊葉係炸過，雖然冇脆感，但有陣聞落似食緊炸雞髀的味道😋😋之後係黎左飲品先，但我最欣賞就係飲品無論味道定賣相，我覺得飲品仲正過我食的菜式。我同男友分別叫左peach soju同Lichi beer。我好耐都冇飲過酒，自問對燒酒原先的味道從不抱好感，但呢杯Peach
所謂非一般韓食，係因為佢類似fushion菜，唔係傳統勁多碟個種韓食，亦唔係單單食炸雞、年榚、部隊鍋個種。而係有意粉，有供素食者的pizza甚至菜式。
地理位置唔係佢優勢，係裕景商業中心後面，開平道個條街。地鐵抑或巴士都要行一陣先到。我都係咁啱見到呢座大廈好多野食，所以撞左入黎😂
今日食佢嘅Lunch set首先係Appetizers,叫左Insalata。
Insalata係用蕃茄仔，Mozzarella cheese，黑醋粒，橄欖油同🙊我都唔知咩葉組成。
以頭盤講，份量剛好，蕃茄仔好新鮮，香醋加上芝士，味覺上帶層次感。單吃芝士都有淡淡芝士香，質地似硬豆腐（未煮個種），唔會散開。而塊葉係炸過，雖然冇脆感，但有陣聞落似食緊炸雞髀的味道😋😋
之後係黎左飲品先，但我最欣賞就係飲品無論味道定賣相，我覺得飲品仲正過我食的菜式。
我同男友分別叫左peach soju同Lichi beer。我好耐都冇飲過酒，自問對燒酒原先的味道從不抱好感，但呢杯Peach soju(蜜桃燒酒)令我喜出望外。
一入口好香蜜桃汁味，唔知仲以為自己飲緊果汁。當你飲多幾啖，【嗒真啲】，就會發現餘韻係酒味，個種酒味同啤酒味有異。整杯飲落好清新，就似係咁鬱悶黑沉沉的天氣裡找到一道曙光。
**只屬少量酒精，但勸奉冇飲過酒或不適宜飲酒的都勿嘗試**
另一杯,Lichi beer（荔枝啤酒）,我唔太喜愛啤酒苦澀味，但荔枝味的確好香，隨後係普通啤酒個陣味。如果啱飲啤酒的你，都應該會喜歡。
兩杯共同之處，除左都一定係凍飲，兩杯都有加檸檬同青檸。一來可以當裝飾，二來亦可以戳少少，帶點檸香。
時間來到Main course，我叫左Vongule Linguine同Braised beef cheek。
燉牛頰肉，後面個啲白色係蒜蓉汁，上面係露荀。牛肉燉得好腍，一切就開，但入味度一般。主要靠下面嘅牛肉汁。
露荀都好食，可能因為煮耐左，所以好軟身。
蒜蓉汁味道唔強，作少許提升牛肉味之用。
另一道，Vongule Linguine，係蜆肉意粉。
上面少少生洋蔥絲，蜆肉，同比天使麵粗少少的意粉。味道🤔方面，汁係似味噌加卡邦尼汁。蜆肉都係靠汁調味。
整體講，我除左幾隻蜆肉有沙之外，麵條軟硬度同味道都還不錯。味道唔算好濃，清清淡淡，好適合女仔食。麵條屬於正常硬度，我覺得拿捏得幾好。
甜品時間
我要左一份紅酒燴梨，一份廚師推介-是日朱古力tart。
下面灰灰地色係villana汁，幾香，上面夏威夷果仁。紅酒燴梨😙其實我好鍾意，雖然呢間入味度未算最好，但我本身好愛吃呢道甜品。
怕紅酒味重的，可以一試！
朱古力tart，上面綿花糖裝飾，下面朱古力部分似browie味同口感，tart似軟蛋糕🤔
Browie都係我喜愛的甜品，朱古力濃郁，食完口裡都唔會痴住好多朱古力。
tart皮唔算好特別，如果全個都係朱古力我會更愛😆。
下次叫甜品可以問下是日【大廚推介】係咩先
總結下，飲品超好味，
食物 都唔錯，偏清淡
環境 清靜，唔算多人，
聊天聚會好去處。
服務 女waitress好有禮
貌，食物送出時間每次都剛好。
少少remark,洗手間係有的。
溝通方面必需用英文，韓文可能對男waiter有用?（應該係韓國人）
景色都唔錯，畢竟係21樓，可惜今日天氣麻麻。
食物份量唔算多，較適合女士們，亦有另設一本menu（非set lunch），入面有素食pizza。
呢間食肆設加一收費
我會再去呢一間食，當然係行開銅鑼灣啦😂😂
张贴
