Lagom Kaffe (已結業)

呢度環境寬敞一入門口就見到一部好大部類似咖啡充調的機器擺设。餐廳主要係用日系裝修風格，另外裏邊配咗好多綠色嘅植物。加上呢度環境夠曬大，令到我入到去，有一種好放鬆嘅感覺。呢度6點後，只係提供飲品，所以大家如果想嚟呢度食下甜品，或者熱食嘅話，要6點之前落柯打。凍京都抹茶鮮奶 - $48啖啖綠茶味，配幼滑鮮奶，有熱或凍可以供選擇。多明尼加朱古力奶 - $48呢度啲朱古力非常之香濃，同埋啲奶嗰啲奶香係特別出。總括嚟講呢度適合，放鬆心情，忙裹偷閒嘅地方。