杏汁燉白肺湯奶白色既湯，入口非常柔滑，豬肺洗得好乾淨，令人放心咁食，重點係個花膠，又淋又香呀！
鮑汁扣鵝掌鵝掌海參炆得好淋，一啖咬落去，軟淋淋，配上鮑汁，真係絕配呀！
鑲鑽黃金蝦香脆，非常香脆！重點推介菜式呀～一啲油膩感都唔會有，蝦又鮮甜爽口，係其他地方真係食唔到咁好味呀～
蒜片牛柳粒有少少Wasabi帶出成個菜既味道，牛柳口感好好，配埋蒜片一齊食，食物味道層次更出呀！
啫啫生菜煲香噴噴既啫啫生菜煲，個汁係濃味，啱哂配埋生菜食呀！
名門炒飯飯粒分明，又唔會乾，比起糯米飯，我更加鐘意呢款炒飯呀！
木瓜銀耳糖水以一個又甜又滋潤既糖水做呢餐既總結，perfect！
