樂咖啡室 (已結業)

平日我們去旺角奶路臣街嘅香港遊樂場協會優才發展及交流中心通常去咗食鷄煲，唔係好留意到有呢間「樂咖啡室」，所以今日中午我們特意去咗食中午飯！我們叫咗全日早餐有：酥脆嘅多士、香甜嘅牛油粟米、茄汁豆、爽脆嘅德國香草腸、火腿、嫩滑嘅牛奶炒蛋同清甜新鮮嘅車厘茄！煙三文魚沙律嘅沙律菜相當新鮮清甜，煙三文魚好嫩滑，煙燻味都幾香濃，但份量就極之少，祇係得兩細片！黑椒汁鷄扒扁意粉嘅麵質好煙煙韌韌，微微辣嘅黑椒汁，令到味道更加惹味，鷄肉嘅肉質好鬆軟，而且份量都幾多！至於飲品方面熱朱古力、焦糖鮮奶同抹茶鮮奶嘅味道都係偏淡，唔算好濃郁，如果味道可以濃味返啲啲咁就最好喇！店內嘅環境都幾幽靜，座位亦都幾舒服！