小火焰韓式咖啡廳 (觀點中心) (已結業)

廚房個師傅唔知整咩， 一晚連續揼揼揼，好似裝修佬咁， 嘈到一個點。枱與枱之間，夾板，好迫。以下張枱係坐3組2個人，非常迫。傾計無私隱。點的都是推介，但真係差，係差唔係一般。韓式煎雜菜蝦餅（$68）擺相可以，以為類似泰式蝦餅，所以有點失望。蝦餅係原隻蝦，白烚無味道，夾在雜菜餅中。。上面再放泡菜，味道完全唔相容。餅底完全唔挺，就好似食緊未煮熟的薄餅。夾唔起，拎唔起。一舊面粉， 好難食。最後放棄。蜂蜜提子脆米炸雞一份（$168）提子是提子乾。。。超無語，好失望。炸雞一份， 2雞翼4雞搥2上脾，共8件。一不小心，燙到嘴唇起水泡。食到一半有隻小蚊滋陪你，反胃。唯一安慰既係個炸粉好脆唔油。藍柑白桃梳打（$52）梳打無氣，酸中帶酸，微微有點甜味， 青綠色，造型還可呃like 。泡菜野菌辣炒年糕 （$78）當我地食完所有炸雞，年糕終於都到了。原本想食八爪魚年糕，但佢無貨。年糕幼身但唔算煙韌。今次小火焰體驗，真係垃圾，要加一服務費，然後自行去櫃檯結帳 ，講完。