KOKOMI (已結業)

原來呢間都係美心集團嘅餐廳，但係上次成個銅鑼灣嘅Kikusan都覺得唔錯，所以就打算試吓呢間🤔👆🏻請找亮點🤣因為係星期六所以可能冇午市套餐，但係佢個餐牌平時都會有套餐揀👍🏻餐牌好多款式，又有鐵板燒，又有刺身...揀到我好頭痛😅。🐟香蔥免治拖羅飯（$198）免治拖羅幾新鮮，好靚嘅粉紅色😍🤣。食落去唔會太肥，份量唔少，飯都多。🍲健康之選 — 海鮮烏冬（$118）比想像中多海，鮮但係啲海鮮要盡快食，唔係嘅話熟過頭。上菜嗰陣時可以唔好煮到啲海鮮咁熟。烏冬係幼嘅，唔會太腍，幾好味。份量啱啱好，三文魚都幾大件，同埋有幾舊帶子，蝦就淨係呢一隻大嘅。總括嚟講係唔錯嘅，我哋坐咗係餐廳出面，開陽啲冇咁暗，見到哂個太古廣場，坐得舒服。侍應嘅服務態度都唔錯。呢間餐廳係同朋友聚腳嘅好地方👍🏻。