花子舍 (已結業)

星期六，天氣既晴朗又炎熱，慵懶嘅我地就揀左「花子舍」食個early dinner。呢度有一整片落地櫥窗嘅花藝擺設，咖啡室黎講都幾特別。Set dinner 有餐湯、沙律、主菜同餐飲。主菜我地order了：原隻軟殼蟹墨汁意大利飯（$159，另加一）賣相唔錯嘅一碟意大利飯，意見係今晚個醬汁味道偏鹹，其餘都不過不失。德國脆皮鹹豬手（$178，另加一）鹹豬手好脆好香口，份量夠大，足夠2-3人分享。餐飲：Asahi啤酒，送豬手一流！Iced Mocha，大熱天時飲返杯凍Mocha，夠晒透心涼呢！呢度環境舒適，非常適合懶洋洋地過一個happy weekend ！