南島

营业中

休息中

住喺西灣河嘅同事話屋企附近有間南島餐廳，海南雞飯好好味，今晚我哋專程過嚟試吓。餐廳燈光明亮，裝潢新穎時尚。主打星馬泰菜。海南雞飯：海南雞肉質嫩滑鮮美，再配上薑蓉、酸辣醬及黑豉油，味道超讚！油飯乾身，雞油味濃而且粒粒分明；老火湯無添加味精，味道清甜。新加坡肉骨茶配油飯，肉骨茶好足料，有一字排骨、枝竹、原個蒜頭、冬菇、杞子等，湯底濃郁香甜富藥材味，附上油炸鬼，浸在湯內吸收湯的精華，十分滋味！串燒雞肉豬肉燒得啱啱好，配上沙爹醬汁，味道非常香濃惹味！