川粵時光 (已結業)

好耐無同老婆食過川菜，今日就帶佢食好少少，黎左銅鑼灣呢間川粵時光，環境十分舒服。口水雞，鮮嫩嘅雞肉加上麻辣嘅醬汁，每一口都食到雞肉嘅香味，同埋辣得好過癮！酸辣魚皮，爽脆嘅魚皮，酸辣嘅口味，真係好醒胃~涼拌秋葵，麻辣黑醋加埋新鮮又爽嘅秋葵，正！青椒開胃清香鱸魚，呢個酸菜魚真心正，鱸魚全部去骨同埋好嫩滑，筍片超嫩，下低仲有麵底，真係好滿足~黃金椰菜花，每一舊椰菜花都沾滿咗鹹蛋黃的香味，好邪惡但係勁好味！紅糖冰粉，冰粉口感似果凍，上面有西瓜粒、花生、芝麻點綴，解辣一流~幻彩荔枝養生花茶，又係一個解辣之選，清香嘅荔枝味，甜而不漏嘅香甜味，估唔到同麻辣嘅食物又幾夾！呢一餐我同老婆都好滿意，不過仲有好多好似好好味嘅粵菜都無試，下次有機會再返嚟試佢嘅粵菜！