難得糊塗 (已結業)

一行四人加一個小朋友...嚟o左呢度食晚餐~叫o左三個套餐...再散叫一個pizza...每個餐讚好一次個page送cake~ 食物方面...其實一般...個餐湯味好啖...不過咁就o岩小朋友...麵包熱辣辣又脆~ ok~ 沙律好多沙律醬而且新鮮~ 主菜就又係一般...Hawaii pizza唔係好新鮮...個樣雖然好靚..上檯o個陣唔係好熱...唔似o岩o岩焗好...焗飯熱辣辣...但係塊豬扒真係好鞋...焗西蘭花配炸雞同薯茸又係熱辣辣~ 炸雞中間辣辣地又脆~薯茸雖然滑...但係有幾啖係特別咸!!! 我諗係d鹽撈唔勻...意粉就好好多~ 真係熱辣辣~ 味道都ok~ 飲品方面...如果唔要套餐o既普洱或咖啡...其他飲品都要加$13蚊...其實真係有d貴...我就試o左普洱...有個細細o既壺泡住...之後自己再倒出來飲~ 幾得意~而且d普洱淡淡地又好香~ 唔錯~ 總括嚟講...環境一流~ 服務都ok~ 價錢又唔算好貴...係傾計飲茶o既好地方...不過食物方面...真係要改善o下...