綠色素食份子 (已結業)

午餐路經堡壘街，見到呢間餐廳裝修得好靚，白色Cafe feel 女仔一定喜歡，招牌已經表明LAB MADE 雪糕加素食，身邊幾個朋友都因為各種原因成為素食者，無可否認素食愈來愈普遍。餐廳桌面放左好多有關養身既書，係度睇下書食下野會好寫意，Menu 會睇到每種食物有冇蛋／奶／辣／蔥蒜，冇Lunch Set同區離講價錢有D貴，雪糕$44杯，飯盒大概$70，當日好趕時間，所以take away，浪費左餐廳優雅舒適既環境。流沙奶皇雪糕 好好味，好得意同真既流沙奶皇包味道一樣，LAB MADE雪糕一向有信心保証一品褔洲炒飯 好多汁多到似湯飯，唔香，味道好淡意式南瓜蘑菇飯 食第一，二啖OK，再食好漏，好似南瓜粟米膏撈白飯，好杰無蘑菇味可能我咁岩點左既飯都唔岩口味，不過既然我唔係Vegetarian，食真既Risotto同褔建炒飯會係更好既選擇，市面上素食餐廳選擇唔多，對素食者離講，呢度會係佢地既綠洲，當我想食素既時候會再離。