紅堂 (已結業)

今日同媽咪去左打邊爐，啲嘢食都唔錯，環境又夠舒適，係一間不俗的火鍋店。一入到店內，好似feel到自己係一間客棧裏面咁，店員安排我坐喺一個半開放式嘅房仔，屏風非常有中國嘅味道。午市打邊爐叫咗個套餐，個湯底有麻辣同埋花膠魚肚雞湯，兩個湯底都好好味，花膠湯仲可以飲添。個餐裏邊有牛肩肉，伊比利亞豬，雞肉，麻辣和牛餃，雲吞，墨魚松露丸，蔬菜拼盤，炸魚皮。飲品方面叫咗酸梅湯。牛肩肉幾出色，味道夠濃郁，無論邊個湯底都好味。麻辣和牛餃有驚喜，平時食和牛多數都係西式，但今次夾咗中式嘅麻辣再加包餃子嘅食法，幾特別。另外仲加咗份牛舌，呢個想特別講講，兩個人食份量非常足夠，店員建議只碌10至15秒都OK，由於薄切關係，牛舌片煮太耐會overcook，小時間灼一灼，牛舌八九成熟，食落更彈牙更好味。個人非常推介。總結：無論餐廳環境同埋食物質素都幾好，價錢合理，可以encore。