Dabyida Restaurant and Bar (已結業)

約左友人出尖沙咀，順便食埋個午餐，友人揀左呢間西餐廳。雖然位於尖咀，但午餐由一百八十幾起，仲有任食嘅頭盤同甜品，又唔貴喎。而加啲自由行區，食個茶記都要八十幾啦，又迫又坐唔耐，比起上黎，呢度又好坐，一於試下佢。侍應好快送上水，有檸檬味。安排坐埋邊位置，間餐廳都幾大，坐位好濶。環境優美。各種頭盤，一系列火腿。沙律，配料等。各種沙律。芝士盤。甜品類。蛋糕有三款。先食少少沙律，火腿等，好味，火腿入口甘香。各種芝士都好正，食多幾片都唔膩。菜沙律，好新鮮，落少少黑醋，加埋煙肉乾，麵包糠，另人食唔停口吖。再攞多次水牛芝士配蕃茄先，真係好好味。主菜到，要左西班牙黑毛豬配藍啤梨燒汁，豬皮燒得脆卜卜，連埋皮下脂肪一啖入口，肉同油脂十分香口，藍莓汁酸酸甜甜的，中和油膩感，好味呀。另一個主菜要左蒜香海蝦銀黑魚柳炒意粉，開頭以為有魚柳，原來銀黑魚係滆入醬汁裏面，黑色一點點個啲就係啦。意粉炒得好香，軟硬適中，美中不足係食到底比較油。到左最愛嘅甜品時間啦，左邊係藍莓蛋糕，右邊係玫瑰味。好靚呀，藍莓較甜，玫瑰清香，兩者佳不錯。唔少得依然大紅嘅馬卡龍，香甜好味，雖然比較乾身，無某大牌子咁綿，但我收貨了，最鐘意開心果味。