心選 (已結業)

滂沱大雨的一夜，希望找一間cafe跟朋友聊聊天，聚聚舊，旺角一帶既cafe有好多 但優秀就唔係間間稱得上，今次由朋友帶路，揀左一間樓上cafe,比我既感覺就相當舒適cafe最重要既唔係食物，而係環境，呢間心選比我既感覺好舒服，座位非常寬敞，而且燈光柔和，播既音樂亦好岩時下年青人口味，坐得舒服，傾計就自然可以更隨心呢度既點餐都幾特別，除左有all day choice,就連dinner choice都係自由配搭 岩哂我呢種五時花六時變既人飲品亦有唔少選擇，唔同既水果味道都有我就叫左杯荔枝梳打，荔枝味非常重，唔會因為有冰就溝淡哂，岩哂我地諗住慢慢傾慢慢飲既顧客朋友叫左個西蘭花雞柳蒜蓉汁意粉，試左一啖，蒜蓉味都幾重，而且雞柳嫰滑，當我想即刻試多啖，就已經比朋友阻止左好彩我呢個仲好味最令我驚喜既係黑松露味道非常濃郁 無偷工減料，而且配合長通粉，d忌廉汁入哂中間，真係一流既味覺享受，而且帶子都好新鮮，真係幾唔錯去cafe食野最唔鐘意趕頭趕命，由坐低點餐到我地走個刻，員工都好好笑容，無嫌過我地霸住位，食完都比我地慢慢坐，就算其他位都坐滿哂都無話比面色我地睇，咁先係我想要既cafe