大鍋口海鮮火鍋店

营业中

休息中

幫襯過大鍋口幾次，貪佢經濟實惠，地方大又幾好坐噉，今日又同老友嚟烚吓烚吓。職員好快手，我哋一坐低已經畀定醬料，飲品同雪糕就可以自己喺自助區度拎。可以先雞煲後火鍋，雞煲上次試過，今次就剩係打邊爐啦～我哋揀咗鮮番茄薯仔豬軟骨湯底。配料嘅選擇都幾多，連鵪鶉蛋都有，私心推薦以下幾款：🥢極品肥牛睇樣都知正，推薦必點！肥瘦均勻，食落冇筋，牛味濃郁👍🏻🥢水魷好食，好脆口！🥢白鱔片肥美爽口，冇咩骨，啱曬我呢啲懶吐骨嘅人😁🥢草鯇魚腩肉質結實脆口，夠新鮮👍🏻🥢麻辣鴨血好香口😍🥢羊肉片、手切肥牛份量都畀得幾多，唔會揼波鐘。