古朴年代咖啡．酒館 (已結業)

今日就試左哩間係大圍頗為出名既cafe，但係d野食比我想像之中係有出入，同埋哩間cafe係冇set dinner要散叫，價錢都比想像中貴。但環境係舒服，適合傾下計係唔錯既聚會地點。我朋友同我講佢地個水牛城雞翼係必點，咁我就梗係好期待啦，點知中哂伏。首先佢係炸雞翼還炸雞翼，汁還汁咁上成件事已經係錯錯地，都唔緊要可能係特色黎，但點知如果唔點汁食呢，d雞翼係一d味都冇而且仲係好似雪左好耐咁，而點左汁食呢又得個辣字。唔推薦大家食！個水牛芝士焗薯條好normal薯條加d cheese，一般啦。仲有一個燒帶子墨汁意粉，整體黎個佢個味係幾好食既，而d帶子又真係大粒既，但又係食得出佢係雪藏帶子冇乜味囉，醃下佢會好好多。我覺得好normal哩3款菜式，不過可能其他菜式味道會出眾一d，有待下次再去再試過啦。