影片
更多
2019-09-08
198 浏览
放工後再一次喺中環捐窿捐罅搵嘢食，嚟到蘭桂坊位於鏞記後一條街嘅和安里。見到呢間Glow，招牌glow得好緊要，吸引咗我哋目光。門面睇落唔錯，仲要見到有優惠(!!)，朋友又話想食生蠔，就入去試下。吸引咗我哋入嚟個優惠就係 每逢6-9pm，tapas、生蠔、啤酒有七折。不過要留意，呢個優惠係不適用於星期四架。餐廳室內環境唔錯～去到餐廳嘅時候本來打算叫晒四隻唔同品種嘅生蠔，點知好快就賣曬其中一隻，所以最後就試咗以下三隻：N.Z. Rock ($60)Krystale ($65)American Pearl ($55)(如果想試曬咁多隻生蠔，記得早啲嚟到啦🤪)店員好好人，提我地食生蠔嘅順序，由淡味去到濃味咁樣食。所以我地跟住N.Z. Rock -> Krystale -> American Pearl 咁樣食。首先要介紹嘅係N.Z. Rock，鐘意食生蠔嘅我通常都覺得越濃味越好食，不過今次嚟到反而有驚喜。N.Z. Rock呢隻生蠔好大隻，非常creamy，咬落口感好豐富，有咬口。雖然味道係最淡，唔係好重海水味，但食落去嘅鮮味就係呢隻生蠔嘅特色。下一隻試嘅係Krystale，佢比
放工後再一次喺中環捐窿捐罅搵嘢食，嚟到蘭桂坊位於鏞記後一條街嘅和安里。見到呢間Glow，招牌glow得好緊要，吸引咗我哋目光。門面睇落唔錯，仲要見到有優惠(!!)，朋友又話想食生蠔，就入去試下。
吸引咗我哋入嚟個優惠就係 每逢6-9pm，tapas、生蠔、啤酒有七折。不過要留意，呢個優惠係不適用於星期四架。
餐廳室內環境唔錯～
去到餐廳嘅時候本來打算叫晒四隻唔同品種嘅生蠔，點知好快就賣曬其中一隻，所以最後就試咗以下三隻：N.Z. Rock ($60)
Krystale ($65)
American Pearl ($55)
(如果想試曬咁多隻生蠔，記得早啲嚟到啦🤪)
店員好好人，提我地食生蠔嘅順序，由淡味去到濃味咁樣食。所以我地跟住N.Z. Rock -> Krystale -> American Pearl 咁樣食。
N.Z. Rock
$60
3 浏览
0 赞好
0 留言
Krystale
$65
12 浏览
0 赞好
0 留言
American Pearl
$55
15 浏览
0 赞好
0 留言
如果係呢三隻要揀一隻嘅話，我個人最鐘意N.Z. Rock☺️ 因為佢夠鮮甜、creamy同有口感。不過如果鐘意海水味重啲嘅記得問下店員嘅意見，因為可能每日提供嘅生蠔品種都唔同。
小貼示：食嘅時候如果想試真啲生蠔嘅鮮味，建議唔洗落太多醬。不過佢啲辣根醬、茄醬、蒜蓉醬都係好正嘅。
Caesar salad
$88
9 浏览
0 赞好
0 留言
鍾意食Caesar salad嘅朋友，Glow整嘅呢個一定唔會令你失望。佢落咗好多芝士、煙肉碎同脆麵包粒，味道好豐富，食落除咗有清新嘅感覺，仲好有口感。
Smoked salmon & asparagus
$78
13 浏览
0 赞好
0 留言
第一個印象係佢擺碟好靚！
露荀配搭煙三文魚有種好balance嘅感覺，露荀嘅爽口清爽加上smoked salmon嘅味道可以話係幾夾。
算係一道簡單得黎又特別嘅菜式。
Deep-fried spicy wings w/ gorgonzola dip
$88
14 浏览
0 赞好
0 留言
炸雞翼炸粉唔厚，皮脆肉嫩，啖啖肉👍
配咗個gorgonzola芝士醬，係隻blue cheese嚟嘅，所以味道偏重，未必個個都鍾意，唔點都可以🤣
室內環境幾舒服，食物質素高，加埋個七折優惠真係好抵，不妨嚟試下！
Menu:
张贴
