A Tavola Bar & Grill (已結業)

同舊同事敘舊，就大家方便，在將軍澳食lunch。地點選擇在將軍澳海旁，一間意大利餐廳 A Tavola Bar & Grill。餐廳裝修型格，座位坐得舒適，環境亦非常清幽。點選了一個set lunch及散叫忌廉芝士三文魚長通粉。set lunch包一個餐湯，主菜及飲品。餐湯揀了蕃茄湯，主菜揀了烤三文魚，飲品點了凍檸茶。蕃茄湯好明顯用新鮮貨，酸中帶甜，入口清新。烤三文魚份量好大，魚皮烤得香脆，可惜魚肉有點嚡，睇嚟有點失準。反而忌廉芝士三文魚長通粉有啲驚喜，通粉彈牙，忌廉及芝士份量恰到好處，芝士香味濃郁，份量亦非常大，水準之作。埋單約$500 ，以此價錢，顧及食物水準及服務水平，算合格。