泰中意

之前經過見好多人食 一直都想試 襯得閒終於同朋友去食 我地提早打去book位唔洗等 仲會貼心問埋你食唔食生蝦留比我地 如果想試就記住打去留蝦啦！露天環境好舒服好靚 仲有冷氣 唔驚熱 衛生感覺上唔錯 我第一次覺得有餐廳廁所係算乾淨！雖然餐廳係馬路邊 但係都唔覺得好喑 侍應都好友善

到重點係食物 我同朋友覺得最好食係薯角 勁大兜 即炸熱辣辣好好食！生菜包都推介 勁多肉碎 我地最後叫多個菜先食得哂啲肉碎。串燒就一般 因為上碟個時已經凍左..木瓜沙律都麻麻 豬頸肉係好食 但沙律可能口味唔同食唔慣 覺得個味好怪咁 甜品叫左芒果糯米飯 好大碟三個女仔食都夠 芒果好甜 整體上真係好滿意 值得一試！