當睇到黃金週係新城市既盛況後
就決定到呢間餐廳一試 避開人流
我們一行人6點半到達餐廳 門口已經坐咗好多人
但係餐廳出面有好多枱可以坐 我地等咗15-20分鐘就有得入去
係假日又要係新城市仲要有得坐 呢個時間絕對可以接受
餐湯同主菜 我揀咗忌廉磨菇湯 同燒春雞
係未黎其他野個陣 已經有面包送到 個包叫做不過不失
個忌廉磨菇湯既磨菇切到好碎 整體黎講都算幾好飲 但我個人略嫌淡味
至於個燒春雞 幾入味 肉質算叫林 但用刀叉切就顯到好辛苦 切親都係骨
唔熟識雞既骨架既人 唔多適合叫
可以的話 真係想問佢拎對手套 就咁食
