聆渢咖啡廳

营业中

休息中

同朋友慶祝生日，想食餐豐富但又要環境好既餐廳，見到有買一送一優惠即刻訂位試下。首先一讚😚係套票訂位時只有室外枱，但當日室內唔滿座，所以餐廳都安排左室內枱俾我，非常好👍🏻因為餐廳係落地玻璃外牆，所以坐室內有冷氣但又可以望到室外風景，即刻加分😍自助餐食物有各國既不同美食；日式壽司刺身，各式海鮮拼盤，各式各樣沙律，中式點心，西式牛扒，印度薄餅咖哩........以及超過二十款既蛋糕甜點，可算係應有盡有。以人均唔駛$250既價錢，有長腳蟹食其實都算好超值。再加上當日唔算太多客人，食物供應非常充足，完全唔需要排隊取食物。2.5小時可慢慢品嚐各種美食，絕對超值！