i kitchen (已結業)

喺觀塘約朋友食飯，有要求想環境優雅寧靜唔好太嘈，近地鐵站價錢又唔好太貴，食物又要有質素。好在平時都有 bookmark低啲心水餐廳應付吓啲有要求嘅朋友仔😂在巧明街嘅 i kitchen ，屬於性價比幾高嘅餐廳。晚餐百幾蚊起有交易，環境唔錯坐得舒服地點又近地鐵站🌟各款主菜加$38可以升級套餐，包括廚師餐餐湯，咖啡或茶。先來廚師餐湯，今日是南瓜忌廉湯。南瓜香甜稠身，非常足料，配麵包條美味😋米蘭式龍蝦海鮮大燴今晚海鮮癮大發，我哋不約而同都叫咗以龍蝦為主角的主菜。🦞🦞特製嘅耐熱煮食用膠套，盛載住海鮮大雜燴。超正嘅海鮮湯汁精華注滿所有海鮮，同時也有鮮茄蓉味道，鮮甜濃郁！海鮮包括青口、半隻開邊龍蝦、帶子和一些翠玉瓜蔬菜等。開邊龍蝦有膏，好甘香好鮮味。龍蝦肉結實唔會梅。帶子煮得啱啱熟，肉厚爽甜!龍蝦海鮮意枌材料同海鮮雜燴差唔多，不過多咗意粉而且味道係偏向龍蝦湯味道多一點。意粉吸滿龍蝦嘅精華，而且係我喜歡嘅硬度，夠彈牙。👍🏻🌟😋餐飲嘅熱檸茶茶味香濃，製作認真。餐廳食物唔錯，環境氣氛都滿意👍🏻