肯德基家鄉雞 (KFC)

营业中

休息中

肯德基既炸雞相信冇人未食過了。雖然係人都知佢係唔健康，但點解又會去食呢？好可能就係因為佢其實幾香口，同埋都幾好食。炸粉雖然揀左唔辣，但佢都有少少鹹味，層皮真係幾好味的。 除左炸雞，佢既雞皇飯都唔錯。細細碗，但總是很多汁，同埋既白汁少少甜，唔錯。而佢既雞皇飯亦都屬足料之作。 辣汁蘑菇飯: 呢間分店既辣汁蘑菇飯就一時時。有時好夠味同埋好多汁，但有時只有幾片蘑菇，水準唔算好穩定。 薯格: 香脆，香口係佢既特色，呢度既薯格永無失手，屬小妹至愛。在第一城分店食雞.. 依家係冇手套冇濕紙巾提供。取而代之的，是個洗手盆。原因相信係佢想響應環保。可是，我覺得佢既衞生情況真係麻麻。個洗手盆兩旁好大 pat 水，好似水浸咁。 d 皂液又得返好少，建議佢加得密少少。最慘既係，洗手盆上的地氈好多垃圾.. 驟眼所見的有牙簽、紙碎、橡筋... 係餐廳既 'open area' 黎講真係好難接受。仲有，張枱係「黐笠笠」的.. 真係唔敢放自己野上去... 有 d area 仲好油好肥。請改善。