瑞士咖啡室 (已結業)

見佢新開張。諗住幫趁吓。先嚟要讚吓佢個大話七。同咸檸七係有啲唔同。味道都不錯。但又要串人哋話唔係七喜係雪碧。算啦算啦。好嘛?!叫咗個常餐。多士烘得幾好食。奄列正常。個麵就係得個麵。同感覺好似唔夠一個咁。重點緊係瑞士雞翼啦。都大隻。係不錯嘅。啲瑞士汁味道幾好。唔會太甜。如果多啲汁就更好。啲肉唔會煮到霉霉爛爛。另外叫咗個焗豬扒飯。個容器係特別。但得一層飯。下午茶份量。味道正常。豬扒都夠嘅。還可以。總結價錢同份量唔成正比。味道係ok。但感覺唔太乾淨。麻麻哋。