瑞士咖啡室 (已結業)

黃大仙收工過後，相約了朋友在附近的樂富瑞士㗎啡室～餐廳外鐵閘裝潢都感受到香港懷舊情懷。舖內同樣會見到每間店面用麻雀砌成的招牌！雖然係晚餐，一場黎到就梗係要番個瑞士雞翼撈公仔麵 （常餐）小菜附送的羅宋湯 味道幾濃郁帶辣，比平時飲到的更足料很不錯。另外附送一個中湯，雪耳木瓜南北杏還飲到清甜味。凍檸檬茶 兩杯都叫了走甜，檸檬同茶底都唔苦澀，不錯。瑞士雞翼撈公仔麵 $49有兩隻全翼，瑞士汁偏黑，雞翼入味但可能浸得過耐肉質就有點欠缺彈性。鐵板黑椒豬手 $80 小菜附白飯要等15-20分鐘 黑椒惹味又唔會過咸，豬手唔太硬，幾抵食。蝦醬鮮魷炒通菜$78鮮魷有鮮味富彈性，感覺唔似雪左好耐嘅急凍貨。明爐酸辣烏頭魚 $90平時食呢道菜都過百蚊，味道唔係泰式正宗果種，烏頭大條，食落酸菜的酸辣都幾開胃。想不到瑞士㗎啡室晚市小菜甘多元化。