影片
更多
2019-08-06
103 浏览
岩岩出左糧，所以就去公司附近嘅La famille 買靚靚嘅蛋糕獎勵自己，兼且同同事一齊開心share。 蛋糕櫃嘅款式太多啦，搞到我都唔知揀邊款好，款款都想試，雖然佢哋嘅價錢都偏貴，但都係忍唔住揀咗四款。佢哋嘅戚風蛋糕可以同時做到濕潤而且鬆軟，回彈力高，好好味。《雙重朱古力》$54作為朱古力控嘅我，去到邊都一定要食朱古力蛋糕，蛋糕體本身嘅朱古力味好濃，蛋糕既表面有朱古力脆脆添！中間部份有朱古力慕斯，超濃郁，口感好幼滑，好正。《香濃開心果》$65蛋糕可以食到好多開心果碎粒，所以味道好出👍🏻口感好好。中間既忌廉好滑，但味道普普通通無特別。《玫瑰紅桑莓荔枝》$60呢個賣相好吸引！其實本身麻麻哋花味嘅食物，但呢一個蛋糕嘅玫瑰花味好天然，一啲都唔假，不過荔枝味道略嫌唔夠出，不過整體都好係好值得推薦既一款。《意式香草奶凍》$60呢個係個人最推薦嘅一款！首先佢表面有奶凍，奶味香濃而且好滑，香草嘅味道都好出，配埋蛋糕好好味👍🏻如果淨係食蛋糕嘅話可能味道會比較淡，所以配埋奶凍一齊食就啱啱好👍🏻 雖然蛋糕唔平，但我覺得質素對得住價錢，樣貌吸引，味道又唔錯，食完之後心情真係會變好，買來獎勵自己真
蛋糕櫃嘅款式太多啦，搞到我都唔知揀邊款好，款款都想試，雖然佢哋嘅價錢都偏貴，但都係忍唔住揀咗四款。佢哋嘅戚風蛋糕可以同時做到濕潤而且鬆軟，回彈力高，好好味。
《雙重朱古力》$54
作為朱古力控嘅我，去到邊都一定要食朱古力蛋糕，蛋糕體本身嘅朱古力味好濃，蛋糕既表面有朱古力脆脆添！中間部份有朱古力慕斯，超濃郁，口感好幼滑，好正。
《香濃開心果》$65
蛋糕可以食到好多開心果碎粒，所以味道好出👍🏻口感好好。中間既忌廉好滑，但味道普普通通無特別。
《玫瑰紅桑莓荔枝》$60
呢個賣相好吸引！其實本身麻麻哋花味嘅食物，但呢一個蛋糕嘅玫瑰花味好天然，一啲都唔假，不過荔枝味道略嫌唔夠出，不過整體都好係好值得推薦既一款。
《意式香草奶凍》$60
呢個係個人最推薦嘅一款！首先佢表面有奶凍，奶味香濃而且好滑，香草嘅味道都好出，配埋蛋糕好好味👍🏻如果淨係食蛋糕嘅話可能味道會比較淡，所以配埋奶凍一齊食就啱啱好👍🏻
雖然蛋糕唔平，但我覺得質素對得住價錢，樣貌吸引，味道又唔錯，食完之後心情真係會變好，買來獎勵自己真係一個唔錯嘅選擇。
张贴
