影片
更多
2014-04-20
3820 浏览
好多位於政府康樂文娛表演場地o既食肆,都係賣即食麵,多士,咖啡及奶茶,唔少係由社企經營,志在俾機會就業技能較低o既人士工作,呢類型食肆提供o既食物冇乜特式,食物水準普通,唔能夠吸引人留低食野,若果真係要搵間較有水準既餐廳,可能要數到柴灣青年廣場o既意大利菜餐廳葵青劇院今年1月底開左一間《牧羊少年咖啡．茶．酒館》,呢間係佢地餐廳第三間分店,我對佢地一o的都唔陌生,以前已經去過太子分店及長沙灣分店o既前身,屬於同一個老闆開o既《秘密花園1981咖啡店》,所以對佢地食物及餐廳環境有一定認識,試過佢地食物水準唔錯,環境舒適,不過真係太多人幫襯,冇得俾客人訂位三月底o既星期六下午要留o係公司工作,中午同埋同事出外午飯,諗起呢間餐廳開左兩個月都未去過,於是就帶同事黎食午餐,呢間餐廳設有室內及室外兩部份,當日早上落大雨,幸好午飯時已經停雨,黎到餐廳時見到室外座位冇人坐,雖然室外設有太陽傘,為免大家食緊野時候落雨,我地都要求侍應安排室內座位入座後侍應俾我地一枝鉛筆及一張類似點心紙,我地要先o係紙上剔出自己想要o既食物,然後再自行到收銀處落單及俾錢,之後再由侍應送上食物,原來呢間餐廳 6pm 前係客人自
葵青劇院今年1月底開左一間《牧羊少年咖啡．茶．酒館》,呢間係佢地餐廳第三間分店,我對佢地一o的都唔陌生,以前已經去過太子分店及長沙灣分店o既前身,屬於同一個老闆開o既《秘密花園1981咖啡店》,所以對佢地食物及餐廳環境有一定認識,試過佢地食物水準唔錯,環境舒適,不過真係太多人幫襯,冇得俾客人訂位
三月底o既星期六下午要留o係公司工作,中午同埋同事出外午飯,諗起呢間餐廳開左兩個月都未去過,於是就帶同事黎食午餐,呢間餐廳設有室內及室外兩部份,當日早上落大雨,幸好午飯時已經停雨,黎到餐廳時見到室外座位冇人坐,雖然室外設有太陽傘,為免大家食緊野時候落雨,我地都要求侍應安排室內座位
入座後侍應俾我地一枝鉛筆及一張類似點心紙,我地要先o係紙上剔出自己想要o既食物,然後再自行到收銀處落單及俾錢,之後再由侍應送上食物,原來呢間餐廳 6pm 前係客人自己落單,侍應只提供有限度服務,所以唔收加一服務費當日大約有八款午餐可供選擇,我地要左星加坡咖哩龍脷柳紅米飯$46及法式松子仁欖油鮮蝦意大利粉$48,另外只要加$15可以配是日餐湯及餐包,又或者加$13配熱飲或是日特飲,若果選擇凍飲就要再加多$5,我地唔要餐湯,只係加錢要飲品,同事原本想要檸檬茶,不過我話花茶比較有特式,而且餐廳又想鼓勵多o的人飲健康飲品,所以價錢與一般熱飲相同,最後我地要左薰衣草綠茶$13及玫瑰綠茶$13
我負責出去落單,由於我知道餐廳o既精美點餐紙係循環再用,所以我就咁讀出我想買o既野,費事佢地要擦乾淨鉛筆跡等待食物飲品其間,我地留意下餐廳環境,原來佢地係以旅遊做主題,睇得出係用心佈置過,有一間書房放左好多旅遊書俾大家睇,落地式玻璃窗,每張枱都放左一個玻璃花樽及插左鮮艷奪目o既花
大約5分鐘後,兩款花茶都送黎薰衣草綠茶o的薰衣草份量幾多,整壺散發香氣,有種令人精神放鬆,想睡o既感覺,相信落左滋潤o既蜜糖,味道有o的甜,飲左一啖茶,口中有薰衣草及綠茶o既香氣
另一壺粉紅色o既玫瑰綠茶,都係添加左蜜糖,呢款玫瑰綠茶有美白抗氧化功效,散發清新怡人o既花香
過左大約10分鐘,我地叫左o既飯及意粉都黎齊呀,呢個時候發覺張枱比較細,要遷就位置先放到茶壺,茶杯,餐具及兩碟野食,其實每張枱之間距離都非常接近,有時候會聽到隔離枱客人講乜野星加坡咖哩龍脷柳紅米飯o的龍脷柳份量都算足夠,咖哩係分開用碗另上,客人可按個人喜好落合適份量,怕辣o既就用少o的咖哩撈飯,碗咖哩有紅椒,青椒及洋蔥,至於咖哩唔算好香濃,紅米飯係食碗面反碗底,大約係一碗飯o既份量,呢碟飯係用左較為健康o既紅米飯,不過稍嫌紅米份量唔夠多
法式松子仁欖油鮮蝦意大利粉隻碟夠晒大,廚師灑上香草拌碟,大約有六隻蝦,我諗呢個價錢係唔會食到新鮮蝦,不過急凍蝦只要處理得好,一樣係好食,意粉比較淋,若果可以煮得煙韌o的就會更好!
兩壺花茶飲到差不多,我地想叫侍應加o的熱水,佢地話可以出去水吧自己拎凍水或熱水,不過水杯比較細隻,要分幾次先倒滿茶壺,添加熱水後o既花茶,味道就會稍為淡o的,最主要分別係冇乜甜味,我地飲多幾杯茶先走人同事認為我呢餐冇介紹錯,餐廳坐得舒適,以呢個價錢食到咁樣水準o既食物算係相當唔錯,就算店外有排隊人龍,侍應都唔會趕人走
身處充滿藝術氣氛o既劇場餐廳食飯,與葵涌廣場或新都會廣場用餐感覺完全唔同,夜晚黎呢間餐廳,相信幾有情調其實室外環境都唔錯,園林景色,設有太陽傘,木紋製枱櫈配合白色o既帳篷,可以呼吸清新空氣,若果當日唔係落雨,又唔係天氣炎熱,可以坐o係外面,下次再黎可以試下室外露天座位,或者有另一番風味
题外话/补充资料：
- 每日 6pm 前自助購票,免收加一服務費
- 餐廳不設訂座,午餐及晚餐繁忙時間會幾多人等位
(以上食记乃用户个人意见 , 并不代表OpenRice之观点。)
张贴
