Lockeroom Dining (譽發廣場) (已結業)

一直知道有一間餐廳係用足球做主題,咁亞仔係球迷就帶佢去見識一下囉！入到餐廳環境紅到紅運當頭啦！再仔細看原來有好多球星簽咗名嘅球衣，相信老闆係超級球迷。至於食物都係幾合格下。我哋叫咗香煎鵝肝牛扒五成熟，出來賣相係用心機擺盤嘅。亞仔一食話好淋滑好Juicy!鵝肝亦好甘香，係細塊左少少啦！而我最感動係有幾片羽衣甘藍墊底，成件事好齊整。跟住叫埋龍蝦配白松露意大利飯，我終於明白，白松露點解貴過黑松露，香味係有唔同嘅，龍蝦拆出來既肉都好大件，再配上芝士烤焗，可能時間耐左，如果再濕d會更完美！套餐中有沙律、牛油多士、餐湯及餐飲，都中規中矩，食物質素都算中上，球迷牛扒迷龍蝦迷大家都可以試試啊！