影片
更多
2021-08-30
4 浏览
#西式eatcovery #油麻地eatcovery💡球迷必到打卡聖地小編雖然唔係球迷，但俾最近嘅奧運狂熱燃燒住！搵到依間以阿仙奴同足球為主題嘅餐廲，最重要係餐廳本身以高質嘅美食打響名堂，真係唔係球迷都值得一試！🍽 是日精選沙律係非常特別嘅沙律，用一個冰凍嘅玻璃壺盛載，入面裝住車厘茄、沙律菜、三色椒等，可以自行加上沙律醋，食落比其他餐廳嘅沙律菜更加爽脆、開胃。最特別嘅係仲有水果味嘅爆珠，酸甜清新，口感更加豐富！🍽 甘筍湯配蒜香牛油法包甘筍味非常香濃，而且仲有好多紅蘿蔔蓉，濃稠度啱啱好！經過烤焗嘅蒜香牛油法包外脆內軟，令蒜香味更加濃烈，正！🍽 碳烤美國1855牛肋排蜜糖燒肉汁牛肋排經碳烤而成，烤到恰到好處，肉味香濃，肉質夠腍唔會韌，連牛肋排脂肪嘅部分都變到香口而唔肥膩，非常出色！加埋蜜糖燒肉汁，小小嘅甜味令人愈食愈開胃。配菜為羽衣甘藍、切粒連皮薯仔、番茄，除左消濟之外，亦夠飽肚健康😋🍽 波士頓龍蝦（半隻）配美國creekstone牛西冷牛排好大好厚，小編選擇五成熟，無over cook，外焦內嫩，肉汁鎖得好實，無血水，完全唔韌，仲有小小脆！食落同聞落都有好香嘅伕味，一定滿足到食肉獸🤤波士
💡球迷必到打卡聖地
小編雖然唔係球迷，但俾最近嘅奧運狂熱燃燒住！搵到依間以阿仙奴同足球為主題嘅餐廲，最重要係餐廳本身以高質嘅美食打響名堂，真係唔係球迷都值得一試！
🍽 是日精選沙律
係非常特別嘅沙律，用一個冰凍嘅玻璃壺盛載，入面裝住車厘茄、沙律菜、三色椒等，可以自行加上沙律醋，食落比其他餐廳嘅沙律菜更加爽脆、開胃。最特別嘅係仲有水果味嘅爆珠，酸甜清新，口感更加豐富！
🍽 甘筍湯配蒜香牛油法包
甘筍味非常香濃，而且仲有好多紅蘿蔔蓉，濃稠度啱啱好！
經過烤焗嘅蒜香牛油法包外脆內軟，令蒜香味更加濃烈，正！
🍽 碳烤美國1855牛肋排蜜糖燒肉汁
牛肋排經碳烤而成，烤到恰到好處，肉味香濃，肉質夠腍唔會韌，連牛肋排脂肪嘅部分都變到香口而唔肥膩，非常出色！加埋蜜糖燒肉汁，小小嘅甜味令人愈食愈開胃。配菜為羽衣甘藍、切粒連皮薯仔、番茄，除左消濟之外，亦夠飽肚健康😋
🍽 波士頓龍蝦（半隻）配美國creekstone牛西冷
牛排好大好厚，小編選擇五成熟，無over cook，外焦內嫩，肉汁鎖得好實，無血水，完全唔韌，仲有小小脆！食落同聞落都有好香嘅伕味，一定滿足到食肉獸🤤
波士頓龍蝦肉質比較實淨，用咗沙律醬同芝士鋪去焗，令蝦肉更加香。另外，仲有洋蔥汁，配菜為羽衣甘藍、切粒連皮薯仔、番茄，整體黎講都算有驚喜！
🍽 即製梳乎厘班戟
梳乎厘表現好出色，相信係因為即叫即製，所以製作時間比較耐。梳乎厘口感鬆軟綿密，震騰騰，食到一半仲KEEP到脹卜卜！蛋香濃郁，仲有陣陣檸檬香味，非常抵食，推介！
张贴
