阿爺粥品手工涮涮鍋 (已結業)

難得幾日連續假期，就一於約以前的同事（而家的好朋友）食番一餐好，懷念以前大家一齊返工時經常lunch出去打邊爐，一齊嘻嘻哈哈返工的日子。朋友找了旺角地點方便的阿爺粥品手工涮涮鍋，就一於去試試。店舖設計開揚明亮，座位闊落舒適，而且抽氣好好。打邊爐套餐都有好多選擇，我哋選擇了海賊雙飛鍋。首先出場的是酸湯雞鍋，雞鍋出場時香噴噴，酸菜份量好多，還有少少的麻辣籽，令到雞鍋的味道好有層次。雞可能用了新鮮雞，食得到雞味好濃厚，而且又爽又滑又入味，好快就被我們食清。雙飛鍋的意思，應該是指食完酸湯雞鍋後轉成黑松露粥底開始海鮮火鍋。黑松露粥底芳香撲鼻，配上大量新鮮的海鮮，每一口粥都充滿海鮮的精華，鮮甜無比。海鮮拼盤好震撼，整份海鮮擺盤仿似如入仙境，打咭呃like一流。我見海鮮是店員從魚缸上撈上來的，好新鮮。海花蟹爆羔鮮甜無比、新鮮鮑魚爽滑彈牙、貴妃蚌肉厚鮮甜、時令貝類隻隻都賬卜卜而且無沙、元貝新鮮爽甜、刀貝爽滑甜美、波波魚好特別啖啖肉好啱打邊爐。套餐還送了手切肥牛，肥牛牛味濃郁，軟滑好味。食完酸湯雞鍋和海鮮拼盤其實都飽得八八九九，但套餐還包了自選配料5款，好滿足。黑豚肉片肥瘦比例適中、滑牛肉爽滑、手打牛丸