廉記冰室 (春園街) (已結業)

廉記冰室，係中環幾出名。最近好似係灣仔開咗間新嘅分店，今日同朋友試一試。門面裝修其實好靚，好有港式茶餐廳嘅特色之餘又有現代的風格，而且非常清潔光猛。茶餐廳櫥櫃有好多菠蘿包，我想午餐早餐嘅時候應該有唔少人會有興趣。坐低之後睇一睇餐牌，其實選擇唔算話好多。我地點左兩個歡樂時光套餐、以及一個精選晚餐。歡樂時光晚餐，其實係一個好適合同朋友一齊食嘅套餐。因為每個套餐都會附送一支藍妹啤酒大啤！首先上菜嘅係，一口和牛配薯條。牛肉的質素其實唔錯，不過可能今次煮得比較耐。幸好，依然唔會黐牙、肉質都算唔錯。薯條與冰室的水準來說，不錯，脆脆地，非常適合同朋友一邊飲啤酒，一邊聊天時候食用。第二個歡樂時光套餐，是風味腸。腸仔上碟其實主要有兩個款式，第一就是紅色芝士豬肉腸，第二就是灰白色的雞肉腸。雞肉腸，沒有什麼特別，但是芝士豬肉腸，沒有想到𥚃面真的非常多芝士醬，一口咬下去，裏面的暖暖的芝士醬湧出來，非常滿足，而且邪惡得令人一口又再接一口。最後加左一個牛尾配薯蓉。牛尾炆得好淋好軟，有膠質、且肉也頗香。除此之外沒有太大的特別。