嚐

营业中

休息中

這餐食得幾滿足，菜式多選擇.黑椒茄子魚腩煲香辣得嚟又夠晒入味，魚腩滑到好似快溶咗，茄子吸晒汁，咬一口超過癮。麻婆肉醬炆伊麵啱晒鍾意辣嘢嘅朋友，麵條掛滿肉醬，食落辣中帶麻，好有層次。菠蘿咕嚕雞球酸酸甜甜，雞肉炸得香脆又唔乾,菠蘿果香清新，幾開胃。飲品方面青瓜蘆會爽好清新，啱晒夏天飲，蘆薈啖啖滑，又健康百香果茶香味濃郁，飲落酸酸甜甜，好解膩。最值得讚嘅係服務員，笑容滿面，好有耐性，仲主動介紹菜式，令人感覺好窩心。整體嚟講，呢餐唔單止食得好味，連氣氛同服務都一流。下次一定會再嚟！