樓下冰室 (已結業)

收工同個朋友去樓下冰室食飯，見呢度嘅裝修都幾乾淨企理，而且又有我最愛嘅瑞士雞翼，所以就入咗去試試。呢度比較出名嘅係佢嘅瑞士雞翼同埋雞髀，仲有蕃茄湯同埋佢嘅特飲。不過我都食唔到咁多野，今次就試試佢嘅意粉同埋焗豬扒飯，當然唔少得瑞士雞翼。瑞士雞翼嘅賣相相當唔錯，食落去甜甜地鹹鹹地，而且好入味，基本上每啖都食到佢嘅瑞士汁。佢嘅蕃茄豬扒飯同埋意粉都好大份，而且味道亦都唔差，睇得出個焗豬扒飯落咗唔少芝士，食落有啲拉絲嘅效果，而冰室炒意粉就好入味，有唔同嘅配料，每啖都食到唔同嘅配料，相當足料。然後我哋個叫咗一杯紅豆奶茶同埋鹹檸七，我個人覺得個紅豆奶茶配合得幾好，不過其實呢兩樣野加埋就會好甜，不過我自己就幾鍾意呢隻味，如果唔鍾意太甜嘅話，記得嗌少甜。整體而言，呢間野唔算貴，環境亦都相當唔錯。大家可以試試。