珠記冰室 (已結業)

上次來珠記冰室食早餐，見到隔離枱lunch menu生炸雞脾飯非常吸引，近排日日自煮午餐悶悶地🥱今日就嚟試吓珠記冰室午餐。點左生炸雞脾配紅腸飯，收銀姐姐提醒雞脾係即炸所以要等一陣，咁拎左bb機就搵位坐低等食。等左15分鐘，熱辣辣即炸雞脾終於爐雞皮炸到脆卜卜，有手掌咁大肉多又厚，雞肉亦都保持嫩滑juicy, 但又唔會太油膩。最初扮斯文切開雞脾肉，後尾都係用手拎大口咬最原汁原味。白飯分量多，最尾食唔哂d飯，細食如我的話下次記得叫小飯，唔好做大嘥鬼🤪。